Basta — Page 195

4 God phaila ke kabhi kehti hai dilbar aaja Ruh-e-be-chain hai aaja Ali Asghar aaja Dil tarapta hai mera god ke andar aaja Fatima ke liye aaja, paye Haider aaja Bund pani ke liye haye teri jaan gayi Aa main sadqe gayi wari gayi qurban gayi 5 Khalq sab soti hai raton ko gharon mein apne Hum agar lete hon, karwat to gham ko hum se Nind aati mujhe pahlu mein agar tum hote Tum to ay lakht-e-jigar gor mein marqad ke gaye Yaad is pyase wali ki bhulai tum ne Yaqin Baba ki ay lal bhulai tum ne [Makhaz: Bano jhule par Asghar ke liye roti hai]

shair o sozkhwan Majid Raza Abidi

Imam-e-Pak ko jab ashqiya ne gher liya 1 Imam-e-Pak ko jab ashqiya ne gher liya Musafiron ko sipah-e-jafa ne gher liya Nabi ke lal ko fauj-e-dagha ne gher liya Ali ke chand ko kali ghata ne gher liya Sitam shuru hue sulh ka jawab mila Ghazab hai satwin tarikh se na aab mila 2 Wo qaht-e-ab, wo Sadat par hujum-e-alam Nabi ki Aal mein wo shor-e-al-atash-e-paiham Wo fikr-o-yas wo andoh wo Imam-ul-Umam Wo Shah ko shauq-e-ibadat wo zulm-e-fauj-e-sitam Mila na chain nuhum tak Imam-e-Sabir ko Bas ek rat ki muhlat mili musafir ko 3 Aziz-o-yawar-o-nasir jo chand the hamrah Sabhon ko jama kiya, Shah ne ba-gham-e-jankah Zuhair-e-Qain-o-Burair-o-Habib-e-khud aagaah Janab-e-Akbar-o-Abbas-o-Qasim-zijah Su-e-Imam jo sab yaar-o-aqraba aaye To uthte bethte bimar-e-karbala aaye