Basta — Page 196

4 Jab aa ke baith gaye sab wo Zahid-o-Abrar Pukare Shah-e-Huda ghaur se sunen dindar Main is diyar se jaur-e-falak se hun nachar Phire hain Aal-e-Habib-e-Khuda se zulm-shiar Ye sangdil na jafaon se munh ko morenge Kisi tarah ye sitamgar na mujh ko chhorenge 5 Main un ke shar se aman paun ghair mumkin hai Watan mein aa ke pahunchaun ghair mumkin hai Yahan se paun bhi sarkaaun ghair mumkin hai Main kal ko qatl se bach jaun ghair mumkin hai Khuda se sabr-o-raza ka hai khwastgar Husain Bas ek rat ka mehman hai be-diyar Husain 6 Balaa mein kuhsta-e-ranj-o-alam ko rehne do Faqat musafir-e-rah-e-adam ko rehne do Sitam-rasida-o-paband-e-gham ko rehne do Na tum raho, na Ali ke Haram ko rehne do Hamare baad ye nachar dar-badar na phiren Rasulzadiyan Kufe mein nange sar na phiren [Makhaz: Imam-e-Pak ko jab ashqiya ne gher liya / Nasim Amrohvi]

Kutub mein hai shab-e-Ashur ka ye hal likha 1 Kutub mein hai shab-e-Ashur ka ye hal likha Haram-sara mein musalle pe the Imam-e-Huda Kabhi tha shughl-e-tilawat kabhi ye Haq se dua Ilahi sabr ki taqat ho mere dil ko ata Ilahi Ahmad-e-Mursal se surkh-ru rakhna Is imtihan mein pyase ki aabru rakhna 2 Inhi duaon mein guzri jo rat ek pahar To aaye khaima-e-Ansar-e-Pak par Sarwar Shigaf-e-dar se ye dekha ke jama hain saf-dar Habib kehte hain ye bich mein khare ho kar Ali ke dosto, kal roz-e-rastgari hai Nabi ki Aal pe ye waqt-e-jan-nisari hai 3 Ye hal dekh ke shukr-e-Khuda baja laye Bahaduron ki tamanna pe tir-e-gham khaye Wahan se khaima-e-hamshir ki taraf aaye Bahen ka pyar jo dekha to gham se tharraye Khud apne pyaron ko rukhsat kafan pehnaya hai Abhi se donon gulon ko kafan pehnaya hai