Basta — Page 204
View
Roman Urdu
Urdu text
7
Arz us ne ki Husain se aur hai ye iltija
Kijiye utha ke hath mere Haq mein ye dua
Pahuncha de mujh ko qabr-e-Ali par mera Khuda
Maula ne asman ki taraf dekh kar kaha
Jis ko nahin zawal wo daulat nasib ho
Rab use Ali ki ziyarat nasib ho
8
Taslim ki jo us ne to bole Shah-e-Anam
Qabr-e-Nabi pe ja ke ye kehna pas az salam
Aate hain aap dard-o-musibat mein sab ke kam
Be-kas-o-gharib bhi hai aap ka ghulam
Tanha hun dushmanon mein khabar aa ke lijiye
Hangam-e-zabh god mein sar aa ke lijiye
9
Sun kar ye muzda se bola na jayega ab ghulam
Bas ji chuka bahut, yahi marne ka hai maqam
Ab dekhiye raza ke barhun khinch kar husam
Wo kam chahiye ke rahe ta-ba-hashr naam
Didar ho na tark-e-rifaqat karunga main
Ab mar ke Sher-e-Haq ki ziyarat karunga main
10
Qadmon pe lot kar ye pukara wo dardnak
Izhar-e-ism-e-aqdas-e-aala mein kya hai pak
Batlaiye ke jis se mera dil hai chak chak
Chup ho gaye to pichhe us ke Imam-e-Pak
Ye to na kahiye ke Shah-e-Mashriqain hun
Maula ne sar jhuka ke kaha main Husain hun
Jab ran mein Sibt-e-Ahmad Mukhtar ghir gaya
۷
عرض اس نے کی حسینؑ سے اور ہے یہ التجا
کیجئے اٹھا کے ہاتھ مرے حق میں یہ دعا
پہنچا دے مجھ کو قبرِ علیؑ پر مرا خدا
مولا نے آسماں کی طرف دیکھ کر کہا
جس کو نہیں زوال وہ دولت نصیب ہو
یارب اسے علیؑ کی زیارت نصیب ہو
۸
تسلیم کی جو اس نے تو بولے شہِ انام
قبرِ نبیؐ پہ جا کے یہ کہنا پس از سلام
آتے ہیں آپ درد و مصیبت میں سب کے کام
بے کس و غریب بھی ہے آپ کا غلام
تنہا ہوں دشمنوں میں خبر آ کے لیجئے
ہنگامِ ذبح گود میں سر آ کے لیجئے
۹
سن کر یہ مژدہ سے بولا نہ جائے گا اب غلام
بس جی چکا بہت، یہی مرنے کا ہے مقام
اب دیکھئے رضا کہ بڑھوں کھینچ کر حسام
وہ کام چاہئے کہ رہے تا بہ حشر نام
دیدار ہوں نہ ترکِ رفاقت کروں گا میں
اب مر کے شیرِ حق کی زیارت کروں گا میں
۱۰
قدموں پہ لوٹ کر یہ پکارا وہ دردناک
اظہارِ اسمِ اقدسِ اعلیٰ میں کیا ہے پاک
بتلائیے کہ جس سے مرا دل ہے چاک چاک
چپ ہو گئے تو پیچھے اس کے امامِ پاک
یہ تو نہ کہئے کہ شہِ مشرقین ہوں
مولا نے سر جھکا کے کہا میں حسینؑ ہوں
جب رن میں سبط احمد مختار گھِر گیا