Basta — Page 217
View
Roman Urdu
Urdu text
7
Go tishna-kam tha mera shish-maha ghamgin jaan
Lab the jo khushk khushk to sukhi hui zaban
Us ne bhi muskura ke diya apna imtihan
Gardan pa zakhm-e-teer-e-seh pehlu ke alaman
Ab hashr tak wo reh na sakegi sukun se
Jitni zamin tar hui Asghar ke khun se
8
Wo aap ke nawase ke ansar-e-jaan-nisar
Thi jin ke dam se gulshan-e-Islami bahar
Sab ho gaye shahid paye izzat-o-waqar
Duniya na payegi bhi aise wafa-shiar
Qurbani un ki dahr mein khali na jayegi
gird un ke naam pe bhi dali na jaye lungi
9
Ay meri dil-figar bahen ay mere Haram
Pichhe hate na rah-e-raza se kabhi qadam
Achchha bas ab supurd-e-Khuda, ja rahe hain hum
Kuchh aur zulm dhayenge ye bani-e-sitam
Lutenge mere baad ye khaime jalayenge
Khakistar-e-khiyam hawa mein urayenge
10
Ay zindagi ki wadi-e-purkhar, alwida
Ay roz-e-tabnak-o-shab-e-tar, alwida
Ay tishna-lab Sakina tumhein pyar, alwida
Kar tu faza ho Abid bimar, alwida
Awaz degi Fatima ke nur-e-ain ko
laye lungi ab zamin khan se Husain ko
Luta gaya jo Aal-e-Muhammad ka karwan
Ata Akbarabadi
۷
گو تشنہ کام تھا مرا ششماہہ غمگیں جاں
لب تھے جو خشک خشک تو سوکھی ہوئی زباں
اس نے بھی مسکرا کے دیا اپنا امتحاں
گردن پہ زخمِ تِیرِ سہہ پہلو کے الاماں
اب حشر تک وہ رہ نہ سکے گی سکون سے
جتنی زمین تر ہوئی اصغر کے خون سے
۸
وہ آپ کے نواسے کے انصارِ جاں نثار
تھی جن کے دم سے گلشنِ اسلامی بہار
سب ہوگئے شہید پئے عزت و وقار
دنیا نہ پائے گی بھی ایسے وفا شعار
قربانی ان کی دہر میں خالی نہ جائے گی
گرد ان کے نام پہ بھی ڈالی نہ جائے گی
۹
اے میری دل فگار بہن اے مرے حرم
پیچھے ہٹے نہ راہِ رضا سے کبھی قدم
اچھا بس اب سپردِ خدا، جا رہے ہیں ہم
کچھ اور ظلم ڈھائیں گے یہ بانیِ ستم
لوٹیں گے میرے بعد یہ خیمے جلائیں گے
خاکسترِ خیام، ہوا میں اڑائیں گے
۱۰
اے زندگی کی وادیِ پرخار، الوداع
اے روزِ تابناک و شبِ تار، الوداع
اے تشنہ لب سکینہؑ تمہیں پیار، الوداع
کر تو فضا ہو عابد بیمار، الوداع
آواز دے گی فاطمہؑ کے نورِ عین کو
لائے گی اب زمین کہاں سے حسینؑ کو
لوٹا گیا جو آل محمد کا کارواں
عطا اکبر آبادی