Basta — Page 224

7 Jitne rahe Sakina ke gauhar, main chup rahi Jalta tha gahwara-e-Asghar, main chup rahi Khinchta raha mariz ka bistar, main chup rahi Sar se utar gayi meri chadar, main chup rahi Beemar ghash mein hai use kiunkar uthaun main Khaime to jal chuke hain, kahan le ke jaun main 8 Bhaiya kisi tarah mere Akbar ko bhej do Bhaiya Rubab roti hai, Asghar ko bhej do Abbas mere sher dilawar ko bhej do Waqt-e-madad hai Sani-e-Haider ko bhej do Shimr aa raha hai, bachchon ke kore lagayega mein kya karun lungi, mujh se to dekha na jaye ga 9 Zainab ki is sada pe qayamat hui bapa Larza hua zamin ko, falak kanpne laga Kanon mein aai Zainab-e-muztar ke ye sada Beti se jaise kehti ho ro ro ke Sayyida Zainab yahi mashiyyat-e-Dawar hai, sabr kar Ab sabr hi tere liye behtar hai, sabr kar

Jab ran mein baad-e-Sham-e-Ghariban sahar hui 1 Jab ran mein baad-e-Sham-e-Ghariban sahar hui roshan shaa-e mehr se har reh guzar hui Be-warison ki raat tarap kar basar hui Rah-e-wafa ki ek muhim aur sar hui Bhar kar nazar mein hadisa-e-Karbala barha Ab taza manzilon ki taraf qafila barha 2 Ab kaun hai jise jo sada-e-dil-e-hazin Akbar bhi dur ja chuke, Abbas bhi nahin Aakhir Nabi ki Aal ki mushkein kasi gayin Durre lagate le chale bewaon ko Ahl-e-Kin Dekhi falak ne ye bhi jafa Ahl-e-Sham ki Tauq-e-giran se jakri gardan Imam ki 3 Chhote bare the ek rasan mein bandhe hue Bachche ghisat rahe the magar ro na sakte the Zalim jhatak jhatak ke asiron ko le chale Kya qahr tha, chale bhi to maqtal ki rah se Maqsad ye tha ke dil ki kharashein bhi dekh len Jate hue azizon ki lashein bhi dekh len