Basta — page 225 | Kalam Archive

View

Text sizeLine spacing

Original scan of Basta page 225 — Original book page

Roman Urdu

Urdu text

4 Guzre idhar se ho ke jo ye sokhta-jigar Chala para tha lasha-e-Shah jis maqam par Zainab zamin pe gir parin ek chikh mar kar Tarpa idhar zamin pe tan-e-Shah-e-bahr-o-bar Faryad ki bahen ne jo ro kar Husain se Kaunain tharthara uthe Zainab ke bain se 5 Wo para para lash, wo dil chirti buka Wo dasht haulnak, wo sehmi hui faza Shor-e-fughan se chaunk utha dasht-e-Karbala Jaise ke zarre zarre se aati ho ye sada Bhaiya tumhare baad asir-e-jafa hue Khaime jala diye gaye, hum be-rida hue 6 Bhaiya tarap rahi thi Sakina zamin par Kanon se us ke khinche the zar jab Ahl-e-Shar Aawaz rokti thi ke tha seeleeon ka dar Reh reh ke man ko takti thi ya mujh pe thi nazar

۴ گزرے ادھر سے ہو کے جو یہ سوختہ جگر چلا پڑا تھا لاشۂ شہ جس مقام پر زینبؑ زمیں پہ گر پڑیں اک چیخ مار کر تڑپا ادھر زمیں پہ تنِ شاہِ بحر و بر فریاد کی بہن نے جو رو کر حسینؑ سے کونیں تھرتھرا اٹھے زینبؑ کے بین سے ۵ وہ پارہ پارہ لاش، وہ دل چیرتی بکا وہ دشت ہولناک، وہ سہمی ہوئی فضا شورِ فغاں سے چونک اٹھا دشتِ کربلا جیسے کہ ذرّے ذرّے سے آتی ہو یہ صدا بھیا تمہارے بعد اسیرِ جفا ہوئے خیمے جلا دیئے گئے، ہم بے ردا ہوئے ۶ بھیا تڑپ رہی تھی سکینہؑ زمین پر کانوں سے اس کے کھینچے تھے زر جب اہلِ شر آواز روکتی تھی کے تھا سیلیوں کا ڈر رہ رہ کے ماں کو تکتی تھی یا مجھ پہ تھی نظر حسرت سے میں اسے، وہ مجھے دیکھتی رہی بھیا میں کچھ نہ کرسکی، بچی کھڑی رہی

Hasrat se main use, wo mujhe dekhti rahi Bhaiya main kuchh na kar saki, bachchi khari rahi Jab gul chiragh-e-turbat-e-Khair-ul-Wara hua 1 Jab gul chiragh-e-turbat-e-Khair-ul-Wara hua Zahra ka lal ummat-e-jad par fida hua Sajde mein sar Imam ka tan se juda hua Faryad Jibrail se mahshar bapa hua Ghul par gaya ke bhai se hamshir chhut gayi Zahra ka ghar-e-Rasul ka sarkar lut gayi 2 Likha hai jab shahid hua Shah-e-bahr-o-bar Nok-e-sinan par charhaya gaya watan ka sar Aaye Haram-sara mein sitamgar be-khatar Bazar hua Fatima ke ghar ka ghar Ghul tha har ek ne mili thi chadar utar lo Abid jo kuchh kahe to abhi sar utar lo 3 Phir to Nabi ki Aal par kya kya jafa hui Bint-e-Ali asir hui, be-rida hui Bimar-o-khasta-hal ki achchhi dawa hui Khaime jale to hashr bapa kar bapa hui Bano ka shor tha na mera dam nikal gaya Ay mere be-zaban tera jhula bhi jal gaya

جب گل چراغِ تربتِ خیرالوریٰ ہوا ۱ جب گل چراغِ تربتِ خیرُ الوریٰ ہُوا زہراؑ کا لال اُمتِ جَد پَر فدا ہُوا سجدے میں سَر امام کا تن سے جُدا ہُوا فریاد جبرائیلؑ سے محشر بپا ہُوا غل پڑ گیا کہ بھائی سے ہمشیر چھٹ گئی زہراؑ کا گھرِ رسول کا سَرکار لٹ گئی ۲ لکھا ہے جب شہید ہُوا شاہِ بحر و بر نوکِ سناں پَر چڑھایا گیا وطن کا سَر آئے حرم سَرا میں ستمگار بے خطر بازار ہُوا فاطمہؑ کے گھر کا گھر غل تھا ہر اک نے ملی تھی چادر اتار لو عابدؑ جو کچھ کہے تو ابھی سَر اتار لو ۳ پھر تو نبي کی آل پَر کیا کیا جفا ہوئی بنتِ علیؑ اسیر ہوئی بے ردا ہوئی بیمار و خستہ حال کی اچھی دوا ہوئی خیمے جلے تو حشر بپا کر بپا ہوئی بانوؑ کا شور تھا نہ مرا دَم نکل گیا اے میرے بے زباں ترا جھولا بھی جل گیا