Basta — page 226 | Kalam Archive

View

Text sizeLine spacing

Original scan of Basta page 226 — Original book page

Roman Urdu

Urdu text

4 Wo be-kasi wo ghurbat-e-Aal-e-Aba ki rat Aafat ka bun, ghazab ka andhera, bala ki rat Pehli wo furqat-e-Shah-e-gulgun-qaba ki rat Rone ki, pitne ki, alam ki, aza ki rat Bachchon ki jaan-e-zar par sadme bare rahe Jhulsi qanat mein shab bhar pare rahe 5 Muhlat jo zalimon ke sitam se mili zara Bachchon ko dhundne ko chali Bint-e-Murtaza Jab Dukhtar-e-Husain ka paya na kuchh pata Darya ki samt mur ke pukari basad buka Khwahar pe aur taza musibat guzar gayi Abbas kuchh khabar hai, Sakina kidhar gayi 6 Ye keh ke qatl-gah mein sar ko buka gayi Su-e-shahid Dukhtar-e-Khair-un-Nisa gayi Kanon mein ek yatim ki awaz aa gayi Dekha wo hal, kanp gayi, tharthara gayi Ek bachchi ek lash pe uryan hui hai Munh se na bolne ka gala kis ke ro rahi hai 7 Zainab qarib ja ke pukari ba-hal-e-zar Hai hai, tu kis gharib ki bachchi hai, main nisar Tutla ke wo yateem pukari ye bar bar in ki hi nur-e-ain hun in ki gul'izaar Ro kar ye keh rahi hun khaime ki kainat se Baba mere bachao ko bula do Furat se 8 Sunta ye tha ke daur ke lipti ye sogwar Ro kar kaha ke ay meri bachchi tere nisar Sab ghar ko intizar hai, sab ghar ko intizar Madar bhi be-qarar hai, khwahar bhi be-qarar Mujh ko ye aas kab thi ke ab tum ko paungi Lo waris-e-ghar chalo, main thik kar sulaungi 9 Hai hai, ye waqt aur ye andhi, ye intishar Jangal ka bhi na khauf kiya, meri gul-izar Be-sar pare hain dasht mein lashe ba-hal-e-zar Kyun kar shanakht kar liya Baba ko, main nisar Har uzw pamal, badan pash pash hai Haan ho na ho ye Qasim-e-muztar ki lash hai

۴ وہ بیکسی وہ غربتِ آلِ عبا کی رات آفت کا بُن، غضب کا اندھیرا، بلا کی رات پہلی وہ فرقتِ شہؑ گُلگوں قبا کی رات رونے کی، پیٹنے کی، الم کی، عزا کی رات بچوں کی جانِ زار پَر صدمے بڑے رہے جھلسی قنات میں شب بھر پڑے رہے ۵ مہلت جو ظالموں کے ستم سے ملی ذرا بچوں کو ڈھونڈنے کو چلی بنتِ مرتضیٰؑ جب دخترِ حسینؑ کا پایا نہ کچھ پتا دریا کی سَمت مڑ کے پکاری بصد بکا خواہر پہ اور تازہ مصیبت گزر گئی عباسؑ کچھ خبر ہے، سکینہؑ کدھر گئی ۶ یہ کہہ کے قتل گاہ میں سر کو بکا گئی سوئے شہید دخترِ خیر النساء گئی کانوں میں ایک یتیم کی آواز آگئی دیکھا وہ حال، کانپ گئی، تھرتھرا گئی اک بچی ایک لاش پہ عریاں ہوئی ہے منہ سے نہ بولنے کا گلا کس کے رو رہی ہے ۷ زینبؑ قریب جا کے پکاری بحالِ زار ہے ہے، تو کس غریب کی بچی ہے، میں نثار تُتلا کے وه یتیم پکاری یہ بار بار اِن کی ہی نورِ عین ہوں اِن کی گلعِزار رو کر یہ کہہ رہی ہوں خیمے کی کائنات سے بابا مرے بچاؤ کو بلا دو فرات سے ۸ سنتا یہ تھا کہ دوڑ کے لپٹی یہ سوگوار رو کر کہا کہ اے مری بچی ترے نثار سب گھر کو انتظار ہے، سب گھر کو انتظار مادر بھی بے قرار ہے، خواہر بھی بے قرار مجھ کو یہ آس کب تھی کہ اب تم کو پاؤں گی لو وارثِ گھر چلو، میں ٹھیک کر سلاؤں گی ۹ ہے ہے، یہ وقت اور یہ آندھی، یہ انتشار جنگل کا بھی نہ خوف کیا، میری گلعذار بے سر پڑے ہیں دشت میں لاشے بحالِ زار کیونکر شناخت کرلیا بابا کو، میں نثار ہر عضو پامال، بدن پاش پاش ہے ہاں ہو نہ ہو یہ قاسمِ مضطر کی لاش ہے