Basta — page 243 | Kalam Archive

View

Text sizeLine spacing

Original scan of Basta page 243 — Original book page

Roman Urdu

Urdu text

10 Bibi main kya kahun, bachche kai dekhe hain gharib Ke na dushman ki bhi aulad ko ye din ho nasib Un mein ek dukhtar-e-masuma ki halat hai ajib Dekh aai hun main us ko to halakat ke qarib Kai din ka hai jo faqa to sisakti hai wo Bap ke sar ko ajab pyas se takti hai wo 11 Koi waris nahin, bas ek jawan hai bimar Tap se din rat bhadakta hai jis ka tan-e-zar Tauq gardan mein hai aur paon mein zanjir ka bar Bilakte bachchon mein aur ablon mein dasht ke khar Shan chehre se yatimi ki ayan hoti hai Haye Baba jo wo kehta hai to man roti hai

۱۰ بی بی میں کیا کہوں، بچے کئی دیکھے ہیں غریب کہ نہ دشمن کی بھی اولاد کو یہ دن ہو نصیب ان میں اک دخترِ معصومہ کی حالت ہے عجیب دیکھ آئی ہوں میں اس کو تو ہلاکت کے قریب کئی دن کا ہے جو فاقہ تو سسکتی ہے وہ باپ کے سر کو عجب پیاس سے تکتی ہے وہ ۱۱ کوئی وارث نہیں، بس ایک جواں ہے بیمار تپ سے دن رات بھڑکتا ہے جس کا تنِ زار طوق گردن میں ہے اور پاؤں میں زنجیر کا بار بلکتے بچوں میں اور آبلوں میں دشت کے خار شان چہرے سے یتیمی کی عیاں ہوتی ہے ہائے بابا جو وہ کہتا ہے تو ماں روتی ہے

Naim Meeruthi Ali, Batul, Hasan aur Husain jaan-e-Rasul Yahi hain hamil-e-Quran-o-warisan-e-Rasul Bajuz Husain nahin koi din-e-Haq ka amin Bajuz Husain nahin koi rahbar-e-din-e-Rasul Bashukriya Sozkhwan Syed Akhtar Abbas o Atif Zaidi / Khairpur

نعیم میرٹھی علیؑ، بتولؑ، حسنؑ اور حسینؑ جانِ رسولؐ یہی ہیں حاملِ قرآن و وارثانِ رسولؐ بجز حسینؑ نہیں کوئی دینِ حق کا امیں بجز حسینؑ نہیں کوئی رہبرِ دینِ رسولؐ بشکریہ سوزخواں سید اختر عباس و عاطف زیدی / خیرپور

Amad amad Haram-e-Shah ki darbar mein hai 1 Amad-e-amad Haram-e-Shah ki darbar mein hai Subh se jashn ka ghul Sham ke bazar mein hai Sohbat-e-aish-o-tarab Majlis-e-aghyar mein hai Shor-e-faryad-o-buka Itrat-e-Athar mein hai Naubaten bajti hain, dushman to khushi hote hain Han magar Fatima-o-Sher-e-Khuda rote hain 2 Pichhe bimar ke hai qafila-e-Ahl-e-Haram Chup hain taswir se, goya ke kisi mein nahin dam Dukhtar-e-Fatima Zahra ka ajab hai alam Tharthari jism mein hai, uth nahin sakte hain qadam Ro ke farmati hain kis goshe mein jaye Zainab Hath khul jayen to munh apna chhupaye Zainab 3 Gardanen barah asiron ki hain aur ek rasan Jis tarah hote hain guldasta gul-haye-chaman Rishtedaran-e-Ali sab hain giraftar-e-mihan Shimr ke mare mui jaati hai ik shab ki dulhan dam ba dam saas bhi sar peetti hai saath us ke abhi kangna na khula tha ke bandhe haath us ke

آمد آمد حرمِ شاہ کی دربار میں ہے ۱ آمدِ آمد حرمِ شاہؑ کی دربار میں ہے صبح سے جشن کا غل شام کے بازار میں ہے صحبتِ عیش و طرب مجلسِ اغیار میں ہے شورِ فریاد و بکا عترتِ اطہار میں ہے نوبتیں بجتی ہیں، دشمن تو خوشی ہوتے ہیں ہاں مگر فاطمہؑ و شیرِ خدا روتے ہیں ۲ پیچھے بیمار کے ہے قافلۂ اہلِ حرم چپ ہیں تصویر سے، گویا کہ کسی میں نہیں دم دخترِ فاطمہ زہرا کا عجب ہے عالم تھرتھری جسم میں ہے، اٹھ نہیں سکتے ہیں قدم رو کے فرماتی ہیں کس گوشے میں جائے زینبؑ ہاتھ کھل جائیں تو منہ اپنا چھپائے زینبؑ ۳ گردنیں بارہ اسیروں کی ہیں اور ایک رسن جس طرح ہوتے ہیں گلدستہ گل ہائے چمن رشتہ دارانِ علیؑ سب ہیں گرفتارِ محن شمر کے مارے مُوئی جاتی ہے اک شب کی دلہن دَم بہ دَم ساس بھی سَر پتی ہے ساتھ اُس کے ابھی کنگنا نہ كُھلا تھا کہ بندھے ہاتھ اُس کے