Basta — page 244 | Kalam Archive

View

Text sizeLine spacing

Original scan of Basta page 244 — Original book page

Roman Urdu

Urdu text

4 hai isi rassi mein nanha sa Sakina ka gulu Dam ghutta jata hai, ankhon se rawan hain ansu Chak kurte ka gareban, pareshan gesu Gaal to suje hain, kanon se tapakta hai lahu Aah har gaam pa sine se nikal jati hai Jab Ghurakte hain sitamgar to dahal jati hai 5 Maan se karti hai ishara wo giraftar-e-sitam Rassi khulwado, kahin ghut ke nikal jaye na dam Ro ke wo kehti hai majbur hun main kushta-e-gham haye bachi tiri qismat mein ye tha dard o alam Sadqe amman ye girh uqda kusha khole ga bibi is uqda-e-mushkil ko khuda khole ga 6 Man se ro ro ke wo nadan ye karti thi bayan Kis ka darbar hai, is hal se jati hun kahan Ye to keh do, kahin Baba bhi milenge Amman Kai din guzre hain, wo hain meri ankhon se nihan Bhul jayega ye sab dukh jo unhein paungi Daur kar Baba ke sine se lipat jaungi 7 Kahin darbar mein Amman wo agar mujh se mile Dekhna karti hun kaise Shimr wala se gile Wo khabar liwen na gardan meri rassi se chhile Muslim ke hath chumte hain sab adab ke sath Wajah kya, kaun si taqsir, ye munh mora hai Siliyan khane ko aada mein mujhe chhora hai 8 Rote the sun ke Sakina ka bayan sare asir Har qadam par tha yahi shor ke hai hai Shabbir Is tarah hoti thi araish-e-darbar-e-sharir Takht par aap tha aur kursiyon pe sare amir Ek taraf lut ka sab zewar-o-zar rakha tha Aur neze pe Fatima ke lal ka sar rakha tha 9 Takht ke samne rote hue aaye jo asir Dekh kar Syed-e-Sajjad ko bola wo sharir Sarkashi kar ke sar-bur hue mujh se Shabbir Shukr karta hun ke Khaliq ne kiya tum ko haqir Baithne ka kahin duniya mein sahara na raha Panjtan uth gaye ab zor tumhara na raha

۴ ہے اسی رسسی میں ننھا سا سکینہ کا گلو دم گُھٹا جاتا ہے، آنکھوں سے رواں ہیں آنسو چاک کرتے کا گریباں، پریشاں گیسو گال تو سوجے ہیں، کانوں سے ٹپکتا ہے لہو آہ ہر گام پہ سینے سے نکل جاتی ہے جب گُھڑکتے ہیں ستمگر تو دَہل جاتی ہے ۵ ماں سے کرتی ہے اشارہ وہ گرفتارِ ستم رسی کُھلوادو، کہیں گُھٹ کے نکل جائے نہ دم رو کے وہ کہتی ہے مجبور ہوں میں کشتۂ غم ہائے بچی تری قسمت میں یہ تھا درد و الم صدقے اماں یہ گِره عُقدہ کشا کھولے گا بی بی اِس عُقدہِ مشکل کو خدا کھولے گا ۶ ماں سے رو رو کے وہ نادان یہ کرتی تھی بیاں کس کا دربار ہے، اس حال سے جاتی ہوں کہاں یہ تو کہہ دو، کہیں بابا بھی ملیں گے اماں کئی دن گزرے ہیں، وہ ہیں مری آنکھوں سے نہاں بھول جائے گا یہ سب دکھ جو انہیں پاؤں گی دوڑ کر بابا کے سینے سے لپٹ جاؤں گی ۷ کہیں دربار میں اماں وہ اگر مجھ سے ملے دیکھنا کرتی ہوں کیسے شمر والا سے گلے وہ خبر لیویں نہ گردن مری رسی سے چھلے مسلمؑ کے ہاتھ چومتے ہیں سب ادب کے ساتھ وجہ کیا، کون سی تقصیر، یہ منہ موڑا ہے سیلیاں کھانے کو اعدا میں مجھے چھوڑا ہے ۸ روتے تھے سن کے سکینہؑ کا بیاں سارے اسیر ہر قدم پر تھا یہی شور کہ ہے ہے شبیرؑ اس طرح ہوتی تھی آرائشِ دربارِ شریر تخت پر آپ تھا اور کرسیوں پہ سارے امیر ایک طرف لوٹ کا سب زیور و زر رکھا تھا اور نیزے پہ فاطمہؑ کے لال کا سر رکھا تھا ۹ تخت کے سامنے روتے ہوئے آئے جو §سیر دیکھ کر سیّدِ سجادؑ کو بولا وہ شریر سرکشی کر کے سَر بُر ہوئے مجھ سے شبیرؑ شکر کرتا ہوں کہ خالق نے کیا تم کو حقیر بیٹھنے کا کہیں دنیا میں سہارا نہ رہا پنچتن اُٹھ گئے اب زور تمہارا نہ رہا