Basta — Page 245
View
Roman Urdu
Urdu text
10
Kis ke namus liye kis ka hua ghar taraj
Kaun be-sar hua aur kaun hua sahib-e-taj
Ek chadar ke liye kis ki hai muhtaj
Kaun kamzor hai aur kaun zabardast hai aaj
Zabh-e-khanjar se hua jo wo pisar kis ka hai
Ek zara gaur se dekho to ye sar kis ka hai
۱۰
کس کے ناموس لئے کس کا ہُوا گھر تاراج
کون بے سَر ہُوا اور کون ہُوا صاحبِ تاج
ایک چادر کیلئے کس کی ہے محتاج
کون کمزور ہے اور کون زبردست ہے آج
ذبحِ خنجر سے ہُوا جو وہ پسر کس کا ہے
اک ذرا غور سے دیکھو تو یہ سَر کس کا ہے
Jabke darbar mein namus-e-Payambar aaye
1
Jabke darbar mein namus-e-Payambar aaye
Bal khole hue be-muqna-o-chadar aaye
Sar ke balon se chhupaye rukh-e-anwar aaye
Beriyan thame hue Abid-e-muztar aaye
Sakht afat mein giraftar wo sab khush-ru the
Risman ek thi aur aah kai bazu the
2
Rasan-e-zulm se chhilte hue yatimon ke gale
Sahme jate the kashakash mein wo nazon ke pale
Maen afat mein giraftar thin kya zor chale
Ro ke dekha kabhi Abid ko, kabhi hath male
Shimr kehta tha ke hakim ka ghazab aayega
Qaidiyon mein koi roya to saza payega
3
Shimr ko dekh ke bola wo Ali ka dushman
Khol de qaidiyon ki gardan-o-bazu se rasan
Jab chhute band-e-rasan se wo giraftar-e-mihan
Tab Sakina ne liya gir ke munh par daman
Bap ke gham mein dil-e-zar jo tan mein tarpa
Aisa royi ke sar-e-paak, lagan mein tarpa
جب کہ دربار میں ناموسِ پیمبرؐ آئے
۱
جب کہ دربار میں ناموسِ پیمبرؐ آئے
بال کھولے ہوئے بے مقنع و چادر آئے
سَر کے بالوں سے چھپائے رُخِ انور آئے
بیڑیاں تھامے ہوئے عابدِؑ مضطر آئے
سخت آفت میں گرفتار وہ سب خُوش رُو تھے
ریسمان ایک تھی اور آہ کئی بازو تھے
۲
رنِ ظلم سے چھلتے ہوئے یتیموں کے گلے
سہمے جاتے تھے کشاکش میں وہ نازوں کے پلے
مائیں آفت میں گرفتار تھیں کیا زور چلے
رو کے دیکھا کبھی عابدؑ کو، کبھی ہاتھ ملے
شمر کہتا تھا کہ حاکم کا غضب آئے گا
قیدیوں میں کوئی رویا تو سزا پائے گا
۳
شمر کو دیکھ کے بولا وہ علیؑ کا دشمن
کھول دے قیدیوں کی گردن و بازو سے رَسَن
جب چُھٹیں بندِ رَسَن سے وہ گرفتارِ محن
تب سکینہؑ نے لیا گر کے منہ پر دامن
باپ کے غم میں دلِ زار جو تن میں تڑپا
ایسا روئی کے سرِ پاک، لگن میں تڑپا