Basta — page 246 | Kalam Archive

View

Text sizeLine spacing

Original scan of Basta page 246 — Original book page

Roman Urdu

Urdu text

4 Bola hakim ke nihayat hai tujhe bap ki chah Takht ke niche ye kya tasht mein hai, kar to nigah Pas ja kar jo dekhne lagi ba-nala-o-aah Khun mein duba use nazar aaya sar-e-Shah Tasht par gir ke pukari ye hal aap ka hai Lo phuphi jaan yahi sar to mere bap ka hai 5 God mein le ke sar-e-Ibn-e-Ali chillai In khuli ankhon ke qurban tumhari jai Aise bhule ke na beti kabhi tumhein yaad aai Aati muddat mein ye kya shakl mujhe dikhlai Kya khushi hai, lab-e-laal to kholo Baba Kya ghazab ho gaya, kuchh munh se to bolo Baba 6 Tir is chand se mathe pe lagaya kis ne Halq par khanjar-e-bedad phiraya kis ne Khun is gardan-e-nazuk ka bahaya kis ne Chhole se rasan mein mujhe tum se chhuraya kis ne Amman sar pitti hain, kya unhein samjhaun main Aao kurte mein chupa kar tumhein le jaaun main

۴ بولا حاکم کہ نہایت ہے تجھے باپ کی چاہ تخت کے نیچے یہ کیا طشت میں ہے کر تو نگاہ پاس جا کر جو دیکھنے لگی با نالہ و آہ خُوں میں ڈوبا اُسے نظر آیا سَرِ شاہؑ طشت پَر کے پکاری یہ حالِ آپ کا ہے لو پھوپھی جان یہی سَر تو مرے باپ کا ہے ۵ گود میں لے کے سرِ ابنِ علیؑ چلائی ان کھلی آنکھوں کے قربان تمہاری جائی ایسے بھولے کہ نہ بیٹی کبھی تمہیں یاد آئی آتی مدت میں یہ کیا شکل مجھے دکھلائی کیا خوشی ہے، لبِ لعل تو کھولو بابا کیا غضب ہوگیا، کچھ منہ سے تو بولو بابا ۶ تیر اس چاند سے ماتھے پہ لگایا کس نے حلق پر خنجرِ بیداد پھرایا کس نے خون اس گردنِ نازک کا بہایا کس نے چھولے سے رسن میں مجھے تم سے چھڑایا کس نے اماں سَر پیٹتی ہیں، کیا اُنہیں سمجھاؤں میں آو کُرتے میں چُھپا کر تمھیں لے جاؤں میں

Ghul hai darbar mein namus-e-Payambar aaye 1 Ghul hai darbar mein namus-e-Payambar aaye Faqa-kash tishna-dahan be-kas-o-be-dar aaye Ahl-e-Bait-e-Nabawi khole hue sar aaye Samne hakim-e-be-din ke wo muztar aaye Kat kar Hazrat-e-Shabbir ka sar laye hain Abhi darbar mein namus-e-Husain aaye hain 2 Hind ghabra ke pukari ke are kaun Husain Bola koi ke wohi Fatima ka nur-e-ain Ali-o-Zainab hain wo sar pitte hain jo ba-bain Aaj kya qabr mein honge Muhammad be-chain Khana-e-Syed-e-Laulak mein koi na raha Haye ab bichhan-e-Batul-e-Pak mein koi na raha 3 Hind ye sun ke khari ho ke lagi pitne sar Bal bikhra diye aur phenki zamin par chadar Aur ye chillati hui nikli mahal se bahar Jald batlao ke shahzadiyan soti hain kidhar Nange sar jaungi hai mera Aqa na raha Kis ka parda ke Nabi-zadi ka parda na raha

غل ہے دربار میں ناموسِ پیمبرؐ آئے ۱ غل ہے دربار میں ناموسِ پیمبرؐ آئے فاقہ کش تشنہ دہن بیکس و بے در آئے اہلبیتِ نبویؐ کھولے ہوئے سَر آئے سامنے حاکمِ بے دین کے وہ مضطر آئے کاٹ کر حضرتِ شبیرؑ کا سَر لائے ہیں ابھی دربار میں ناموسِ حسینؑ آئے ہیں ۲ ہند گھبرا کے پکاری کہ ارے کون حسینؑ بولا کوئی کہ وہی فاطمہؑ کا نورِ عین علیؑ و زینبؑ ہیں وہ سَر پیٹتے ہیں جو بہ بین آج کیا قبر میں ہوں گے محمدؑ بے چین خانۂ سیّدِ لولاک میں کوئی نہ رہا ہائے اب بچھنِ بتولِؑ پاک میں کوئی نہ رہا ۳ ہند یہ سُن کے کھڑی ہو کے لگی پیٹنے سَر بال بکھرا دیئے اور پھینکے زمیں پَر چادر اور یہ چلاتی ہوئی نکلی محل سے باہر جلد بتلاؤ کہ شہزادیاں سوتی ہیں کدھر ننگے سَر جاؤں گی ہے مرا آقا نہ رہا کس کا پردہ کہ نبیؐ زادی کا پردہ نہ رہا