Basta — Page 249
View
Roman Urdu
Urdu text
Likha hai dast-e-Bint-e-Yadullah tha bandha
1
Likha hai dast-e-Bint-e-Yadullah tha bandha
Aur pas hi rasan mein Sakina ka tha gala
Zainab ne ye bayan jo sar-e-Shah se kiya
Dekha Sakina pyasi ne bhi sar utha utha
Chashm-e-adab se bap ke sar par nigah ki
Hathon se to mila nahin aur munh se aah ki
2
Chillai haye Baba, kata kab tumhara sar
Sab mujh se kehte the safar mein tera pidar
Hai hai jise lainon ne luta hamara ghar
Hai hai jise tamanche mujhe mare be-khatar
Sach hai ke bap wale ko sab pyar karte hain
Yun hum se be-pidar ko giraftar karte hain
3
Baba hamare moti dila do lainon se
Baba rida phuphi ki manga do lainon se
Baba hamara kunba chhura do lainon se
Baba achchhi ki jaan bacha do lainon se
Roti hun jab to pyar se tum dekh lete ho
Baba hamare hath nahin khol dete ho
لکھا ہے دستِ بنتِ یداللہ تھا بندھا
۱
لکھا ہے دستِ بنتِ یداللہ تھا بندھا
اور پاس ہی رسن میں سکینہؑ کا تھا گلا
زینبؑ نے یہ بیاں جو سرِ شاہ سے کیا
دیکھا سکینہؑ پیاسی نے بھی سر اٹھا اٹھا
چشمِ ادب سے باپ کے سر پر نگاہ کی
ہاتھوں سے تو ملا نہیں اور منہ سے آہ کی
۲
چلائی ہائے بابا، کٹا کب تمہارا سر
سب مجھ سے کہتے تھے سفر میں ترا پدر
ہے ہے جسے لعینوں نے لوٹا ہمارا گھر
ہے ہے جسے طمانچے مجھے مارے بے خطر
سچ ہے کہ باپ والے کو سب پیار کرتے ہیں
یوں ہم سے بے پدر کو گرفتار کرتے ہیں
۳
بابا ہمارے موتی دلا دو لعینوں سے
بابا ردا پھوپھی کی منگا دو لعینوں سے
بابا ہمارا کنبہ چھڑا دو لعینوں سے
بابا اچھی کی جان بچا دو لعینوں سے
روتی ہوں جب تو پیار سے تم دیکھ لیتے ہو
بابا ہمارے ہاتھ نہیں کھول دیتے ہو
Ya Ali aaiye zindan mein Haram rote hain
1
Ya Ali aaiye zindan mein Haram rote hain
Qatl, Shabbir hue kushta-e-gham rote hain
Beriyan pehne asiran-e-sitam rote hain
Hashr ho jata hai jab mil ke baham rote hain
Sar ko jab pit ke chillate hain ay waye Husain
Dar-o-diwar se aati hai sada-e-Husain
2
Na dilasa koi de aur na koi puchhe bat
Koi itna nahin jo roye zara baith ke pas
Gham behtar ka hai pichhla pahar aur kali rat
Hai dilase ko faqat Hazrat-e-Mabud ki zat
Qaid-khane ki musibat se jo dam ghutta hai
Koi uthta hai koi khak par gir parta hai
3
Qaida ye hai ke yatimon par taras khate hain
God mein lete hain samjhate hain behlate hain
Khatir mein rahat unhein pahunchate hain
Ye tamanchon par tamanche unhein khilwate hain
Ye sitam Bint-e-Shahanshah-e-Madina ke liye
Siliyan Shimr ki aur bali Sakina ke liye
یا علیؑ آئیے زندان میں حرم روتے ہیں
۱
یا علیؑ آئیے زنداں میں حرم روتے ہیں
قتل، شبیرؑ ہوئے کشتہِ غم روتے ہیں
بیڑیاں پہنے اسیرانِ ستم روتے ہیں
حشر ہو جاتا ہے جب مل کے بہم روتے ہیں
سَر کو جب پیٹ کے چلاتے ہیں اے وائے حسینؑ
در و دیوار سے آتی ہے صدائے حسینؑ
۲
نہ دلاسا کوئی دے اور نہ کوئی پوچھے بات
کوئی اتنا نہیں جو روئے ذرا بیٹھ کے پاس
غم بہتر کا ہے پچھلا پہر اور کالی رات
ہے دلاسے کو فقط حضرتِ معبود کی ذات
قید خانے کی مصیبت سے جو دَم گھٹتا ہے
کوئی اٹھتا ہے کوئی خاک پَر گر پڑتا ہے
۳
قاعدہ یہ ہے کہ یتیموں پَر ترس کھاتے ہیں
گود میں لیتے ہیں سمجھاتے ہیں بہلاتے ہیں
خاطر میں راحت انہیں پہنچاتے ہیں
یہ طمانچوں پَر طمانچے انہیں کھلوا تے ہیں
یہ ستم بنتِ شہنشاہِ مدینہ کیلئے
سیلیاں شمر کی اور بالی سکینہؑ کیلئے