Basta — Page 250

4 Ya Ali aap ki poti ka ajab hai alam Saham jati hai ke aa jaye na Shimr-e-azlam Rasan-e-zulm ki tangi se ghutta hai dam Nanhe hathon se kare bap ka kyun kar matam Aah jo karti hai tab Arsh-e-Barin hilta hai Ya Ali aap ki poti ka gala chhilta hai

Al-Abbas Fatiha Baraye sozkhwan Imami Sahib Sar apna pit ke Fizza se Hind ne puchha 1 Sar apna pit ke Fizza se Hind ne puchha Are bata to sahi kya Husain qatl hua Jhi ki khwab mein Zahra ko nange sar dekha Wohi Husain wohi Dukhtar-e-Zahra Ghazab hua Shah-e-wala se chhut gayi Zainab Husain qatl hua aah lut gayi Zainab 2 Pukari Fizza zaban band kar tu ay khush-go Majal hai kisi ki jo lute Zainab ko Zara tu gaur se ay Bibi khub tum socho Husain qatl hua jis ka bhai ho Wo Bibi qaid hua balwe mein jaye ibrat hai Bahen Husain ki ho be-rida qayamat hai 3 Pukari Hind ke achchha na hal batlao Main hath jorti hun thori der thehar jao Kaha kanizon se hakim talak zara jao Wahan jo tasht mein ek sar hai us ko le aao Kaho Yazid se wapas main jald kar dungi Qasam Husain ki is sar ko main na rakh lungi