Basta — Page 252

4 Tab ki shiddat se hai bimar ki halat, taghayyur Chand sa munh hai ke hai ranj-o-alam ki taswir Band ankhen hain magar lab pe har dam takbir Tauq gardan mein hai aur paon mein dehri zanjir Paon ke ablon mein khar ayan hain ab tak Pusht-e-bimar pe durron ke nishan hain ab tak 5 Hind ki dekh ke ulfat ye Sakina ne kaha Kholo meri na rasan, jakra hi rehne do gala Shimr zara na le aaye kahin phir is ja Kahin mujh par na kare zulm-o-sitam is se siwa Shimr ke dar se main Baba ko bhi ro sakti nahin Dar ke mare dar-e-zindan ki taraf takti nahin 6 Kan ke mere gauhar bhi nahin us ne chhore Ki samajat bhi bahut, hath bhi main ne jore Jo sitam mujh pe hue ye to bahut hain thore Samne mere, mere bhai ke mare kore Shimr ke naam se har waqt main ghabrati hun Chaunk parti hun agar raton ko so jati hun

Abid ko jab Yazid se Baba ka sar mila 1 Abid ko jab Yazid se Baba ka sar mila Sar kya mila ke marham-e-zakhm-e-jigar mila Muddat ke baad bap ke sar se pisar mila Mah-e-Safar mein Sham se hum ko safar mila Dekha jo Ahl-e-Bait ne farq-e-Janab Taron ne aa ke gher liya mahtab 2 Bahnon ne bari bari liya god mein wo sar Zainab ne hont rakh diye bhai ke hont par Darya baha ke ashkon ke boli wo nauhagar Bhaiya hai aap ki hamshir dar-badar Jis roz se juda hue dam se aap ke Nezon se pusht-e-zakhmi hai dil gham se aap ke 3 Bhaiya tumhein hamari khabar hai ya nahin Bhaiya hamare sar se ridaen utar lin Bhaiya tumhari bahnein yahan rassi mein bandhin Bhaiya tumhari beti ke yan siliyan lagin Khandan hamare hal pe is dam sharir hain Bhaiya ham aik rassi mein bara aseer hain Bashukriya sozkhwan Ansar Husain Kazmi