Basta — page 253 | Kalam Archive

View

Text sizeLine spacing

Original scan of Basta page 253 — Original book page

Roman Urdu

Urdu text

Bhaiya hum ek rassi mein barah asir hain 1 Pahunchi jo qaid-khane mein Hind neku-sair Dekha ke ek mariz para hai qarib-e-dar Rota hai wan se koi koi pitta hai sar Hathon se dil pakar ke pukari wo nauhagar Dam-ba-dam ban gayi magar afat ghati nahin Tab mein bhi is gharib ki beri kati nahin 2 Ansu baha ke shana hilaya jo chand bar Ek bar ghash se chaunk ke bola wo nahif-o-zar Be-kas ko kyun jagati hain Amman pisar nisar Kya jaan-ba-lab hua koi masum dil-figar Paida hue hain ashk bahane ke waste Uthte hain hum janaza uthane ke waste 3 Wo boli sab ki khair hai ay zar-o-natawan Main hun kaniz aap ki madar nahin yahan Mushtaq-e-did aai hun zindan ke darmiyan Itna mujhe bataiye ay Yusuf-e-Zaman Ism-e-sharif kya hai, kaha sogwar hai Puchha pidar ka naam, kaha be-diyar hai 4 Puchha kahan lute ho, kaha Haq ki rah mein Puchha ye kab, kaha Muharram ke mah mein Puchha ye kyun, kaha muhabbat ki chah mein Puchha pidar kahan hain, kaha qatl-gah mein Puchha jo ghar to ro ke kaha qaid-khana hai Puchha ghiza mein kya hai, kaha taziyana hai 5 Ye zikr tha ke aa gaya khuni talkh-kam Laya sinan-e-zulm pe ek farq-e-lala-fam Zindan-e-Sham nur se roshan hua tamam Is sar ne di nida: mere bimar, assalam Ghabra ke Ahl-e-Bait to tazim ko uthe Sajjad kanpte hue taslim ko uthe 6 Is sar se ro ke kehne lagi Hind bawafa Ay sar, tu bolta hai to ye bhi mujhe bata Kis ba-Khuda ki Aal hai, kya naam hai tera Kis bap ka tu lal hai, kis man ka lal Kya Dukhtar-e-Rasul ka lakht-e-jigar hai tu Qurban jaun, kya mere Aqa ka sar hai tu

بھیا ہم ایک رسی میں بارہ اسیر ہیں ۱ پہنچی جو قید خانے میں ہندؑ نکوسیر دیکھا کہ اک مریض پڑا ہے قریبِ دَر روتا ہے واں سے کوئی کوئی پیٹتا ہے سَر ہاتھوں سے دل پکڑ کے پکاری وہ نوحہ گر دَم بہ دَم مَن گئی مگر آفت گھٹی نہیں تپ میں بھی اِس غریب کی بیڑی کٹی نہیں ۲ آنسو بہا کے شانہ ہلایا جو چند بار اک بار غش سے چونک کے بولا وہ نحیف و زار بے کس کو کیوں جگاتی ہیں امّاں پسر نثار کیا جاں بلب ہُوا کوئی معصوم دل فگار پیدا ہوئے ہیں اشک بہانے کے واسطے اُٹھتے ہیں ہم جنازہ اٹھانے کے واسطے ۳ وہ بولی سب کی خیر ہے اے زار و ناتواں میں ہوں کنیز آپ کی مادر نہیں یہاں مشتاقِ دید آئی ہوں زنداں کے درمیاں اتنا مجھے بتائیے اے یوسفِؑ زماں اسمِ شریف کیا ہے، کہا سوگوار ہے پوچھا پدر کا نام کہا بے دیار ہے ۴ پوچھا کہاں لٹے ہو، کہا حق کی راہ میں پوچھا یہ کب، کہا محرمؑ کے ماہ میں پوچھا یہ کیوں، کہا محبت کی چاہ میں پوچھا پدر کہاں ہیں، کہا قتل گاہ میں پوچھا جو گھر تو رو کے کہا قید خانہ ہے پوچھا غذا میں کیا ہے کہا تازیانہ ہے ۵ یہ ذکر تھا کہ آگیا خونی تلخ کام لایا سنانِ ظلم پہ اک فرقِ لالہ فام زندانِ شام نور سے روشن ہوا تمام اس سر نے دی ندا: مرے بیمار، السلام گھبرا کے اہلِ بیت تو تعظیم کو اٹھے سجادؑ کانپتے ہوئے تسلیم کو اٹھے ۶ اس سر سے رو کے کہنے لگی ہند باوفا اے سر، تو بولتا ہے تو یہ بھی مجھے بتا کس باخدا کی آل ہے، کیا نام ہے ترا کس باپ کا تو لال ہے، کس ماں کا لال کیا دخترِ رسولؐ کا لختِ جگر ہے تو قربان جاؤں، کیا مرے آقا کا سر ہے تو