Basta — page 262 | Kalam Archive

View

Text sizeLine spacing

Original scan of Basta page 262 — Original book page

Roman Urdu

Urdu text

Jab qaid se asir riha ho gaye tamam 1 Jab qaid se asir riha ho gaye tamam Qabr-e-Sakina par gaye rote hue Imam Matam-kunan the sath mein Ahl-e-Haram tamam Ahista aa rahi thi Rubab khasta-kam Chhoti si qabr samne nazron ke phir gayi Ek aah-e-sard khinch ke marqad pe gir gayi 2 Bolin utho ke qafila tayyar ho chuka Jata hai ab watan ko tumhara qafila Beta tumhein rihai ka arman tha bara Jab tum nahin to ghar se mujhe wasta hai kya Tere baghair ghar ko main hargiz na jaungi Ban kar faqir qabr pe ansu bahaungi 3 Rote hue lahad se Haram uth khare hue Boli Rubab: jati hun hukm-e-Imam se Ro kar kaha ye Zainab-e-aali-maqam ne Qurban jaun, shak na kijiyo Husain se Ay Ahl-e-Sham wasta Rabb-e-Karim ka Pichhe khayal rakhna hamari yatim ka 4 Al-qissa pahunche Karb-o-bala mein ye nauhagar Zainab tarap ke gir gayin bhai ki qabr par Is tarah bain karti thin wo sokhta-jigar Bhai ki god ujar gayi bhaiya karo nazar Tum ko khabar hai hum pe jo afat guzar gayi Qaid-e-sitam mein bali Sakina bhi mar gayi 5 Bhaiya tumhare baad wo afat pari idhar Asghar ka sar bhi kat liya qabr khod kar Khanjar gale pe jab wo chalata tha bad-guhar Hum dekhte the aur [juzwi taur par ghair wazeh] jigar Ye dekh kar Rubab ki halat tabah thi Ankhon se ashk behte the aur lab pe aah thi 6 Sar le ke jab shaqi wo wahan se chala gaya Dauri Rubab gor mein, lasha utha liya Aur chumti thi halq-e-burida ko barha [Ek misra juzwi taur par ghair wazeh] Nale hi karte karte wo khamosh ho gayi Lasha liye wo gor mein behosh ho gayi

جب قید سے اسیر رہا ہوگئے تمام ۱ جب قید سے اسیر رہا ہو گئے تمام قبرِ سکینہؑ پَر گئے روتے ہوئے امام ماتم کناں تھے ساتھ میں اہلِ حرم تمام آہستہ آ رہی تھی ربابؑ خستہ کام چھوٹی سی قبر سامنے نظروں کے پھر گئی اک آہِ سرد کھینچ کے مرقد پہ گر گئی ۲ بولیں اُٹھو کہ قافلہ تیار ہو چکا جاتا ہے اب وطن کو تمہارا قافلہ بیٹا تمہیں رہائی کا ارماں تھا بڑا جب تم نہیں تو گھر سے مجھے واسطہ ہے کیا تیرے بغیر گھر کو میں ہرگز نہ جاؤں گی بن کر فقیر قبر پہ آنسو بہاؤں گی ۳ روتے ہوئے لحد سے حرم اُٹھ کھڑے ہوئے بولی ربابؑ جاتی ہوں حکمِ امام سے رو کر کہا یہ زینبِؑ عالی مقام نے قربان جاؤں شک نہ کیجو حسینؑ سے اے اہلِ شام واسطۂ ربِ کریم کا پیچھے خیال رکھنا ہماری یتیم کا ۴ القصہ پہنچے کرب و بلا میں یہ نوحہ گر زینبؑ تڑپ کے گر گئیں بھائی کی قبر پَر اس طرح بین کرتی تھیں وہ سوختہ جگر بھائی کی گود اجڑ گئی بھیا کرو نظر تم کو خبر ہے ہم پہ جو آفت گزر گئی قیدِ ستم میں بالی سکینہؑ بھی مر گئی ۵ بھیا تمہارے بعد وہ آفت پڑی ادھر اصغرؑ کا سر بھی کاٹ لیا قبر کھود کر خنجر گلے پہ جب وہ چلاتا تھا بدگہر ہم دیکھتے تھے اور [جزوی طور پر غیر واضح] جگر یہ دیکھ کر ربابؑ کی حالت تباہ تھی آنکھوں سے اشک بہتے تھے اور لب پہ آہ تھی ۶ سر لے کے جب شقی وہ وہاں سے چلا گیا دوڑی ربابؑ گور میں، لاشہ اٹھا لیا اور چومتی تھی حلقِ بریدہ کو بارہا [ایک مصرع جزوی طور پر غیر واضح] نالے ہی کرتے کرتے وہ خاموش ہو گئی لاشہ لئے وہ گور میں بے ہوش ہو گئی