Basta — Page 272

Likha hai chhut ke Yasrib mein jab Haram aaye 1 Likha hai chhut ke Yasrib mein jab Haram aaye Saron ko pitte ba-sad gham-o-alam aaye Bapa tha ghul Haram-e-Syed-e-Umam aaye Bayan karte the Sajjad ro ke hum aaye Tamam kunbe ko qatl mein kho ke aaye hain Bajaye tuhfa bahattar ke dagh laye hain 2 Madine walo, hamein Karbala ne lut liya Yatim main hua Baba hue shahid-e-jafa Hue asir-e-sitam, Ahl-e-Bait wawaila Magar Madine mein phir aa ke kya suna kya Jo thamta to jafa ashkar hoti thi Ke pusht durron se meri figar hoti thi 3 Gaye Rasul ke rauze pe jis ghari Sajjad Lipat ke qabr-e-mubarak se tab ye ki faryad Khabar hai aap ko bhi hum pe kya hui bedad Ke dopahar mein hua sara ghar ghar barbad Tumhari Aal par ranj-o-alam kasir hue Husain qatl hue aur Haram asir hue 4 Chale makan ko rote Imam-e-jinn-o-bashar Tamam qafila tha sath sath nauhagar Wufur-e-gham hua jo khana-e-Sarwar Udasi chhai hai deorhi par aa ke sar Ye ghair hal hua gham se jaan khone lage Imam dekh ke sunsan ghar ko rone lage 5 Gharz utar chuke naqon se jabke Ahl-e-Haram Bichhai bibiyon ne ghar mein tab saf-e-matam Kaha ye Fatima Sughra ne kyun na ho mujhe gham Mili na aa ke Sakina Sham mein ay sitam Pukari Banu wo ji se guzar gayi Sughra Sakina Sham ke zindan mein mar gayi Sughra 6 Khusus Hazrat-e-Zainab ki thi ajib halat Kabhi na pitne rone se hoti thi fursat Ghiza bhi tark hui taq ho gayi taqat Kisi se milti na thin aap gham ki thi shiddat Yahi wird-e-zaban tum kidhar gaye bhai Main aah jiti rahi aur mar gaye bhai