Basta — Page 273

Malik-e-saltanat-e-Kufa jo Mukhtar hue 1 Malik-e-saltanat-e-Kufa jo Mukhtar hue Intiqam-e-shuhada lene ko tayyar hue Jitne qatil the Shah-e-din ke giraftar hue [Ek misra juzwi taur par ghair wazeh] Us ne chun chun ke har ek bani-e-shar ko mara Khuli-o-Shimr-o-Sinan-o-Umar ko mara 2 Ek din Kufe ke bazar mein ye shor hua Ho gayi Syed Sajjad ki maqbul dua Hurmala qaid hua, shukr Khudawand-e-Ali Laye Mukhtar ke aage use Ahl-e-Wafa Puchha kyun Arsh-e-Mualla ko hilaya zalim Tir-e-Masum ko kyun tu ne lagaya zalim 3 Jo sitam tu ne kiye un ka mujhe hal suna Hathon ko jor ke ye us sitam-ara ne kaha Tir chhupaye the tarkash mein watan se jo chala Tin tiron ne to ki ran mein nishane se khata Hun muqir Aal-e-Payambar ko rulaya main ne Tin tiron ko nishane pe lagaya main ne 4 Ek to mashk ko jab le ke Alamdar chala Surat-e-sher, suye Syed-e-Abrar chala Mashk ko danton mein pakre hue Jarrar chala Kat gaye shane jo talwar ka ek war chala Meri bedad se bachchon ne na paya pani Tir ek mar ke sab ne bahaya pani 5 Dusre tir ka ab hal main karta hun bayan Laye Asghar ko jo maidan mein Shah-e-do-jahan Is qadar pyas ki shiddat thi ke ainthi thi zaban Us ko hathon pe utha kar ye kiya Shah ne bayan Tum ko khauf-e-ghazab-e-Khaliq-e-Qahhar nahin Main khatawar hun bachcha to khatawar nahin 6 Gar yaqin aayega ke ho tum tishna-dahan Rahm shayad unhein aa jaye ye hai mujh ko guman Jis ghari ro ke ye bachche se kiya Shah ne bayan Sab ne dekha ke nikali Ali Asghar ne zaban Jitne sardar the munh se sab dhone lage Fauj mein jitne sipahi the wo sab rone lage