Basta — Page 274

7 Jab Ibn-e-Saud ne lashkar mein talatum dekha Aaya ghabraya hua pas mere aur ye kaha Jald kar kam tamam is ka na kar der zara Main ne ek tir-e-seh-pahlu idhar ko phenka Mere ek tir ne donon ko barabar tora Bazu-e-Shah, gulu-e-Ali Asghar tora 8 Jab gulu-e-Ali Asghar pe para mera tir Gir para Shah ke hathon se ye tarpa be-shir Dekh kar charkh ko yas se roye Shah-e-Shir Aur ro kar kaha Hazrat ne ke ay Rabb-e-Qadir Naujawanon ka to fidya hua Akbar mera Shiaon ke bachchon pe qurban hai Asghar mera Malik-e-saltanat-e-Kufa jo Mukhtar hue

Husain, Sibt-e-Rasul-e-Zaman, salam alaik 1 Husain, Sibt-e-Rasul-e-Zaman, salam alaik Husain, dilbar-e-Khaibar-shikan, salam alaik Mere Imam-e-gharib-ul-watan, salam alaik Shahid-o-be-lahad-o-be-kafan, salam alaik Ada ye aakhri khidmat karo azadaro Nabi ke lal ko rukhsat karo azadaro 2 Husain aaj tumhein kainat roti hai Tumhari tishna-labi par Furat roti hai Sahar ka chak-gareban hai rat roti hai Tumhari maut pe ab tak hayat roti hai Tumhare gham mein zamana udas hai Maula Har ek taziya-khana udas hai Maula 3 Husain tum ho zamane mein Fateh-e-Azam Tumhi ne din-e-Payambar kiya hai mustahkam Tumhari zat wajah-e-khilqat-e-Adam Na hote tum to na hota koi Khuda ki qasam Salam tum par tumhare wafa-shiaron par Salam khun mein dube hue sitaron par