Basta — Page 275
View
Roman Urdu
Urdu text
4
Salam un par jo zor-e-amal dikha ke gaye
Dil-e-Yazid ki sab hasratein mita ke gaye
Ajal ke samne qatl mein muskura ke gaye
Wo khud to so gaye duniya magar jaga ke gaye
Andheri rat mein sinon ke dagh roshan the
Pari thin khak pe lashein chiragh roshan the
5
Aa gayi Ali ke chaman ki bahar maqtal mein
Zamin thi khun se sab lala-zar maqtal mein
Kisi ka dil tha sinan se figar maqtal mein
Ajal ne chhin liya shir-khwar maqtal mein
Salam kashti-e-ummat bachane walon par
Salam Sibt-e-Payambar ke nau-nihalon par
6
Salam us pe ke jis ke the sher ke tewar
Zamana jis ko samajhta tha Sani-e-Haider
Dikha diya ye Sakina ki mashk ko bhar kar
Ke hashr tak mera qabza rahega darya par
Husain aaye to bhai ki lash ko dekha
Qarib nahr tan-e-pash-pash ko dekha
7
Yatim-o-be-kas-o-Qaim bin Hasan pe salam
Libas-e-aqd jo pehna tha us kafan pe salam
[Ek misra juzwi taur par ghair wazeh]
Jahan buland the nale, us anjuman pe salam
Khizan ke rang mein dubi hui baharen hain
Ke jis ke sehre ki lariyan lahu ki dharen hain
8
[Pehla misra juzwi taur par ghair wazeh]
Jo aag khaimon mein bharki thi wo bujha na sake
Kisi ko bahr-e-madad dasht mein bula na sake
Luta ke ghar ko bhi apne watan mein ja na sake
Salam un pe ke chehron pe jis ke gesu the
Salam un pe ke jin ke tan mein bazu the
Husain, Sibt-e-Rasul-e-Zaman, salam alaik
۴
سلام اُن پَہ جو زورِ عمل دکھا کے گئے
دلِ یزید کی سب حسرتیں مٹا کے گئے
اجل کے سامنے قتل میں مسکرا کے گئے
وہ خود تو سو گئے دنیا مگر جگا کے گئے
اندھیری رات میں سینوں کے داغ روشن تھے
پڑی تھیں خاک پَہ لاشیں چراغِ روشن تھے
۵
آ گئی علیؑ کے چمن کی بہار مقتل میں
زمین تھی خون سے سب لالہ زار مقتل میں
کسی کا دل تھا سنان سے فگار مقتل میں
اجل نے چھین لیا شیر خوار مقتل میں
سلام کشتیِ امت بچانے والوں پر
سلام سبطِ پیمبرؐ کے نونہالوں پر
۶
سلام اس پہ کہ جس کے تھے شیر کے تیور
زمانہ جس کو سمجھتا تھا ثانیِ حیدرؑ
دکھا دیا یہ سکینہؑ کی مشک کو بھر کر
کہ حشر تک مرا قبضہ رہے گا دریا پر
حسینؑ آئے تو بھائی کی لاش کو دیکھا
قریب نہر تنِ پاش پاش کو دیکھا
۷
یتیم و بے کس و قائم بن حسنؑ پہ سلام
لباسِ عقد جو پہنا تھا اس کفن پہ سلام
[ایک مصرع جزوی طور پر غیر واضح]
جہاں بلند تھے نالے، اس انجمن پہ سلام
خزاں کے رنگ میں ڈوبی ہوئی بہاریں ہیں
کہ جس کے سہرے کی لڑیاں لہو کی دھاریں ہیں
۸
[پہلا مصرع جزوی طور پر غیر واضح]
جو آگ خیموں میں بھڑکی تھی وہ بجھا نہ سکے
کسی کو بہرِ مدد دشت میں بلا نہ سکے
لٹا کے گھر کو بھی اپنے وطن میں جا نہ سکے
سلام ان پہ کہ چہروں پہ جس کے گیسو تھے
سلام ان پہ کہ جن کے تن میں بازو تھے
حسینؑ، سبطِ رسولِ زمن، سلام علیک