Basta — Page 312

Tha wohi alam-e-ghurbat mein Raza ka alam 1 Tha wohi alam-e-ghurbat mein Raza ka alam Karbala mein jo Shah-e-Karb-o-bala ka alam Wohi taslim, wohi sabr-o-raza ka alam Wohi tasbih, wohi zikr-e-Khuda ka alam Naqsh-e-Tauhid ko is tarah mitaya jaye Zahr aur Saqi-e-Kausar ko pilaya jaye 2 Go bahut dur watan se the Husain ibn-e-Ali Tha na ghamkhwar bhi un ka dam-e-akhir koi Rone wale to magar un ke the maujud kai Sar khule hi sabhi maqtal mein bahen thi to sahi Tha yaqin gham mein meri jaan ko khoyegi bahen Fatima lash pe aur matam pe royegi bahen 3 Kushta-e-zahr zamane mein Hasan bhi the magar Naza mein zanwaye Shabbir pe tha un ka sar Bahnein taskin ko maujud, tasalli ko pisar Apne sab Ahl-e-Watan, apne aziz, apna ghar Yan watan dur, bahen hai na koi bhai hai Naza ka waqt hai aur alam-e-tanhai hai 4 In khayalat-e-gham-angez mein paiham jo ghar se Ashk ankhon se bahe, rish-e-mubarak pe gire Kufa-o-Sham ke bazar nigahon mein phire Maut ne tham liye tar-e-rag-e-jaan ke sire Chal base Kazim-e-hasti se hamare Maula Gham ko rote hue duniya se sidhare Maula Tha wohi alam-e-ghurbat mein Raza ka alam