Basta — Page 94

Rubai Karte hain Ahl-e-dard hi chehlum Husain ka Hai qudsiyon mein aaj tarannum Husain ka Kehte hain mujh se log ke kyun Maulvi Zuhur Karte nahin ho zikr yahan tum Husain ka Rubai Ek samt shahidon mein gharib-ul-watani hai Ek samt la'inon mein shaqawat ki thani hai Sab jante hain Zuhur rutba un ka Sadat hain aur fauj-e-Husain-o-Hasani hai Rubai Dil se na ho dard kam, Husain ka Barhta rahe roz-e-gham, Husain ka Shadab rahen ye Ahl-e-Majlis sare Parhte rahen Zuhur bhi chehlum Husain ka

Rubai Abid na kabhi ranj-o-mihan se nikla Nikla bhi to bas shukr-dahan se nikla Bimar ne pehni jo nai kali poshak Sab ne jana ke hai ye chand gahan se nikla

Rubai Manqush hai dil par mere naam-e-Haider Allah ke ghar mein hai qiyam-e-Haider Baqir mujhe kyun arsa-e-mahshar ka ho khauf Main roz-e-azal se hun ghulam-e-Haider

Rubai Hurr ko Shabbir ne ki ran ki ijazat de di Nar ko nur kiya aur shahadat de di Kya sakhawat hai Husain Ibn-e-Ali ki Wallah Jam-e-Kausar ka diya rehne ko Jannat de di

Rubai Jab Hurr ka gunah Shah-e-Umam ne bakhsha Qatre ko sharaf bahr-e-karam ne bakhsha Gardun se nida aai ke ay Sibt-e-Nabi Bakhsha jise tu ne use hum ne bakhsha

Rubai Sibt-e-Khatm-ul-Anbiya ko kyun na roen Ahl-e-dad Jin ke marne ka rahega ghul ila yaum-it-tanad Aise Shahid ki shahadat ka to Haq bhi hai gawah Aaya hai Quran mein bhi Kaf, Ha, Ya, Ain, Sad