Basta — Page 95

Rubai Asghar ke liye shughl-e-fughan rakhte hain Marqad mein unhein Shah-e-zaman rakhte hain Chillati hain Bano ke hai suna jangal Hazrat mere bachche ko kahan rakhte hain

Rubai Jis roz ke ho iza-s-sama'u inshaqqat Zahir hon maani-e-nujum inkadarat Bulwa ke kahengi Fatima, ya Hazrat Aulad meri bi-ayyi zanbin qutilat

Rubai Haider ki ata pe Hal Ata shahid hai Aur tigh-zani pe La Fata shahid hai Kaabe mein wiladat ke Payambar hain gawah Masjid ki shahadat pe Khuda shahid hai (Bashukriya sozkhwan Zahid Husain o Muzaffar Husain Zaidi)

Mir Anees Ay Badshah-e-kaun-o-makan adrikni Ay uqda-kusha-e-do jahan adrikni Ab tang hai dushmanon ke hathon se Anees Ya Hazrat-e-Sahib-uz-Zaman adrikni (Bashukriya sozkhwan Nasir Abbas Naqvi o Javed Ali Zaidi)

Ustad Akhtar Ansari Akbarabadi Ye log hain duniya ko jagane wale Ye Dasht-e-Bala hai aur zamane wale Ay wusat-e-kaunain simat kar aaja Aaye hain Muhammad ke gharane wale (Bashukriya sozkhwan Husain Ahmad Rizvi, muddazillahu qayyim hamdard)

Mir Anees Gulshan mein phirun ke sair-e-sahra dekhun Ya madan-o-koh-o-dasht-o-darya dekhun Har su teri qudrat ke hain lakhon jalwe Hairan hun ke do ankhon se kya kya dekhun

Zahid Ali Khori Rukte hue darya ko rawani de di Islam ko Akbar ki jawani de di Tha Din-e-Nabi naza mein tu ne Shabbir Jan de ke hayat-e-jawedani de di