Basta — Page 97

Kya pesh-e-Khuda sahib-e-tauqir hai Zahra Umm-ul-Hasanain o madar-e-Shabbir hai Zahra Khatun-e-jinan malik-e-Tathir hai Zahra Sar ta ba qadam nur ki taswir hai Zahra Shohar ko jo puchho to shahanshah-e-Arab hai Beti hai Nabi ki ye hasab hai wo nasab hai (Bashukriya sozkhwan Aziz Haider Jalalvi o Nadim Jalalvi)

Ay rozadar o aah o buka ke ye roz hain Sadat par nuzul-e-bala ke ye roz hain Sartaj-e-Ausiya ki aza ke ye roz hain Tum se wida-e-Sher-e-Khuda ke ye roz hain Zakhmi hua Imam tumhara namaz mein Zalim ne rozadar ko mara namaz mein

Sharik-e-sabr-e-Shah-e-Mashriqain hain Zainab Ke ain, Fatima ki nur-e-ain hain Zainab Dil-e-Muhammad-o-Haider ka chain hain Zainab Khuda ki rah mein bilkul Husain hain Zainab Husain mard-e-rah-e-inqilab hain goya Ye auraton mein amal ki kitab hain goya (Bashukriya sozkhwan Syed Khadim Abbas Jalalvi)

Jurat mein Ali sabr mein Shabbir hain Zainab Shamshir-e-fasahat dam-e-taqrir hain Zainab Bint-e-Shah-e-Wash-Shams ki tanwir hain Zainab Ghar lutne pe bhi sahib-e-tauqir hain Zainab Shabbir ke maqsad ki nigahban yahi hain Afsana-e-Islam ka unwan yahi hain

Jab watan se koch ki Muslim ke tayyari hui Khana-e-Aal-e-Aba mein girya-o-zari hui Donon beton ki jo rukhsat man se yakbari hui Harf-e-zan shohar se apne yun wo dukhiyari hui Ek to dagh-e-firaq apna diye jate ho tum Dusre mere kalejon ko liye jate ho tum

Kisi ne Kufe ke raste mein di ye Shah ko khabar Ke qatl ho gaye Muslim aur un ke donon pisar Na jayen aap bhi us samt ko to hai behtar Tab us se kehne lage ro ke Shah-e-jinn-o-bashar Ajal rasida manam mi rawam ba Karb-o-bala Guzasht naubat-e-Muslim rasid naubat-e-ma (Bashukriya sozkhwan Syed Ijaz Husain Shahzad)