Noha
ابنِ ملجم نے حیدر کو مارا، روزہ دارو قیامت کے دن ہیں
Ibne Muljim Ne Hyder Ko Maara
View
Urdu
ابنِ ملجم نے حیدر کو مارا، روزہ دارو قیامت کے دن ہیں
ہم سے بچھڑا ہے مولا ہمارا، روزہ دارو قیامت کے دن ہیں
1
سونی قبرِ رسولِ خدا ہے، گھر میں زہرا کے ماتم بپا ہے
خاک اڑاتا ہے حیدر کا کنبہ، روزہ دارو قیامت کے دن ہیں
2
آلِ احمد پہ آفت ہے آئی، بیکسوں پر یتیمی ہے چھائی
اٹھ گیا سر سے حیدر کا سایہ، روزہ دارو قیامت کے دن ہیں
3
گھر میں خالق کے حیدر کو مارا، جانشینِ پیمبر کو مارا
ہائے سجدے میں سرور کو مارا، روزہ دارو قیامت کے دن ہیں
4
کیوں نہ روئیں یہ وہ غم نہیں ہے، شب یہ عاشور سے کم نہیں ہے
خلد میں بھی یہ ماتم ہے برپا، روزہ دارو قیامت کے دن ہیں
5
دل ہلاتے ہیں زینب کے نالے، خاک اڑاتے ہیں سب کنبے والے
اٹھ رہا ہے علی کا جنازہ، روزہ دارو قیامت کے دن ہیں
6
خاکِ بے وارثی ہے سروں پر، کالے پرچم لگے ہیں گھروں پر
ہم سے بچھڑا ہے مولا ہمارا، روزہ دارو قیامت کے دن ہیں
7
شب یہ انیسویں کیسی آئی، خون میں ڈوبا محمد کا بھائی
رو رہا ہے سحر کا ستارہ، روزہ دارو قیامت کے دن ہیں
8
ابنِ ملجم نے ستم کیسا ڈھایا، قبر میں سیدہ کو رلایا
کیسے بچوں کا ہوگا گزارا، روزہ دارو قیامت کے دن ہیں
9
تیغ سر پہ علی کے لگی ہے، آج شمعِ امامت بجھی ہے
دل یتیموں کا ہے پارہ پارہ، روزہ دارو قیامت کے دن ہیں
10
ماں کے مرنے کا غم کم نہیں تھا، ایک کوہِ الم اور ٹوٹا
سوگ میں گھر ہے زہرا کا سارا، روزہ دارو قیامت کے دن ہیں
11
گھر میں حیدر کے آہ و فغاں ہے، عید نزدیک غم کا سماں ہے
ایسا رمضان نہ آئے دوبارہ، روزہ دارو قیامت کے دن ہیں
12
امِ کلثوم زینب سے بولیں، آج بابا نے آنکھیں نہ کھولیں
میں نے شانہ ہلا کر پکارا، روزہ دارو قیامت کے دن ہیں
13
سینہ کوبی کو ریحان و میثم، کیوں نہ فرشِ عزا پہ چلیں ہم
غم زدہ چار سو ہے نظارہ، روزہ دارو قیامت کے دن ہیں
Roman Urdu
Ibne Muljim Ne Hyder Ko Maara, Rozadaron Qayamat Ke Din Hain
Hum Se Bichra Hai Moula Hamara, Rozadaron Qayamat Ke Din Hain
1
Sooni Qabr-e-Rasool-e-Khuda Hai, Ghar Mein Zehra Ke Matam Bapa Hai
Khaak Urata Hai Hyder Ka Kunba, Rozadaron Qayamat Ke Din Hain
2
Aal-e-Ahmed Pe Aafat Hai Aayi, Bekason Par Yateemi Hai Chhayi
Uth Gaya Sar Se Hyder Ka Saaya, Rozadaron Qayamat Ke Din Hain
3
Ghar Mein Khaliq Ke Hyder Ko Maara, Janasheen-e-Payambar Ko Maara
Haye Sajde Mein Sarwar Ko Maara, Rozadaron Qayamat Ke Din Hain
4
Kyun Na Roye Ye Woh Gham Nahin Hai, Shab Ye Ashoor Se Kam Nahin Hai
Khuld Mein Bhi Ye Matam Hai Barpa, Rozadaron Qayamat Ke Din Hain
5
Dil Hilate Hain Zainab Ke Naale, Khaak Urate Hain Sab Kunbe Wale
Uth Raha Hai Ali Ka Janaza, Rozadaron Qayamat Ke Din Hain
6
Khaak-e-Bewarisi Hai Saron Par, Kale Parcham Lage Hain Gharon Par
Hum Se Bichra Hai Moula Hamara, Rozadaron Qayamat Ke Din Hain
7
Shab Ye Unneesween Kaisi Aayi, Khoon Mein Dooba Muhammad Ka Bhai
Ro Raha Hai Sahar Ka Sitara, Rozadaron Qayamat Ke Din Hain
8
Ibne Muljim Ne Sitam Kaisa Dhaya, Qabr Mein Sayyeda Ko Rulaya
Kaise Bachon Ka Hoga Guzara, Rozadaron Qayamat Ke Din Hain
9
Taigh Sar Pe Ali Ke Lagi Hai, Aaj Shamm-e-Imamat Bujhi Hai
Dil Yateemon Ka Hai Para Para, Rozadaron Qayamat Ke Din Hain
10
Maan Ke Marne Ka Gham Kam Nahin Tha, Ek Koh-e-Alam Aur Toota
Sog Mein Ghar Hai Zehra Ka Sara, Rozadaron Qayamat Ke Din Hain
11
Ghar Mein Hyder Ke Aah-o-Fughan Hai, Eid Nazdeek Gham Ka Samaan Hai
Aisa Ramzan Na Aaye Dobara, Rozadaron Qayamat Ke Din Hain
12
Umme Kulsoom Zainab Se Boleen, Aaj Baba Ne Aankhen Na Kholeen
Maine Shaana Hila Kar Pukara, Rozadaron Qayamat Ke Din Hain
13
Seena-Kobi Ko Rehan-o-Mesum, Kyun Na Farsh-e-Aza Pe Chalein Hum
Ghamzada Chaar Su Hai Nazara, Rozadaron Qayamat Ke Din Hain