Noha

شام سے جب اہلِ بیت، غمزدہ گریاں چلے

Shaam se jab Ahl-e-Bait, ghamzada giryaan chalay

Language: Urdu
Kalam Type: Noha

View

Text sizeLine spacing

Urdu

1 شام سے جب اہلِ بیت، غمزدہ گریاں چلے یعنی سوئے کربلا، چاک گریباں چلے لے کے شہیدوں کے سر، بے سر و ساماں چلے کرتے ہوئے یہ بیاں با دلِ نالاں چلے آج ہے چالیسواں حضرتِ شبیر کا تشنہ دہن کشتۂ خنجر و تقدیر کا 2 راہ میں ان سے کوئی، پوچھتا گر آن کر کس کے ہو ناموس تم، کس کے ہو لختِ جگر کس نے ہے لوٹا تمہیں، کس نے کیا بے پدر کہتے تھے اہلِ حرم ان سے یوں با چشمِ تر تم سے بیاں کیا کریں اپنے ہم احوال کو دفن ہیں کرنے چلے فاطمہ کے لال کو 3 وہ جو حرم محترم، شاہ کے با صد بکا منزلیں طے کرتے ہائے، پہنچے درِ کربلا دور سے وہ قتل گاہ، ان کو دکھائی دیا رو کے یہ کہنے لگے حضرتِ زین العبا اونٹوں سے اترو تم اب کرتے ہوئے شور و شین روتے چلو پیادہ پا، یاں سے بہ لاشِ حسین 4 حضرت سجاد سے سن کے حرم یہ کلام پیٹتے روتے ہوئے اونٹوں سے اترے تمام آئے جو لاشوں کے پاس، ہائے وہ ناشاد کام سر کو لگے پیٹنے، وارثوں کے لے کے نام چادریں سر سے اتار آنسو بہانے لگے ہاتھوں سے اس بن کی خاک سر پہ اڑانے لگے 5 حضرتِ سجاد نے دیکھ کے یہ ماجرا بیبیوں کو ساتھ لے، خوب سا ماتم کیا سر جو شہیدوں کے تھے، بیچ میں ان کو رکھا سینہ و سر پیٹ کر، رو رو یہ نوحہ پڑھا زہرا کے معصوم کا آج ہے چالیسواں سیدِ مظلوم کا آج ہے چالیسواں 6 وہ جو ہے ابنِ حسن شاہ کا عالی نسب بیاہ کے دن ہائے ہائے، قتل ہوا تشنہ لب شادی کا جوڑا جو تھا، مل گیا مٹی میں سب اس کا بھی چہلم ہے آج، ہائے ستم ہے غضب اکبر و اصغر کا بھی آج ہے چالیسواں شاہ کے لشکر کا بھی آج ہے چالیسواں 7 حضرتِ زین العبا، نوحہ یہ جب پڑھ چکے بیبیوں سے اس طرح، رو رو یہ کہنے لگے پہلے کہو کس کی لاش، قبر میں عابد رکھے بانوئے عباس یوں، بولی میں صدقے ترے پہلے مرے سائیں کی، لاش تو ڈھونڈوائیو دے کے کفن قبر میں، پھر اسے ڈلوائیو 8 رو دیا سجاد نے، سنتے ہی اس کی یہ بات بانوئے عباس کو، لے چلے پھر اپنے ساتھ روتے ہوئے جب گئے، بر لبِ نہرِ فرات دیکھا تو عباس کے، کٹ گئے ہیں دونوں ہاتھ ہاتھوں کا خون بہہ گیا، زردی ہے سب چھا گئی انگلی ہر اک ہاتھ کی، دھوپ سے مرجھا گئی 9 آپ نے اک بار یہ، دیکھا جو پھر غور سے تن سے جدا ہو گئے، شانے کٹے ہیں پڑے سینۂ مظلوم پر، زخم ہیں تلوار کے گھائیاں بھی کٹ گئیں، زخموں سے شمشیر کے سینۂ پرنور ہے، تیروں سے چھدا ہوا لاشہ ہے ٹکڑے پڑا، خاک میں لپٹا ہوا 10 بیوۂ عباس نے، دیکھ کے یہ ماجرا لے لے کے شوہر کا نام، خوب سا ماتم کیا لاشۂ عباس کے، ٹکڑے جو تھے جا بجا چن کے ہر اک عضو کو، سر سے ملا کر کہا آؤ اے زین العبا، خاک اڑاتی ہوں میں یعنی سر عباس کا، تن سے ملاتی ہوں میں

Roman Urdu

1 Shaam se jab Ahl-e-Bait, ghamzada giryaan chalay Yaani soo-e-Karbala, chaak girebaan chalay Le ke shaheedon ke sar, be-sar-o-saamaan chalay Kartay huay ye bayaan baa-dil-e-naalaan chalay Aaj hai chaaleeswaan Hazrat-e-Shabbir ka Tishna-dahan kushta-e-khanjar-o-taqdeer ka 2 Raah mein un se koi, poochta gar aan kar Kis ke ho naamoos tum, kis ke ho lakht-e-jigar Kis ne hai loota tumhein, kis ne kiya be-padar Kehtay thay Ahl-e-Haram un se yun ba-chashm-e-tar Tum se bayaan kya karein apnay hum ehwaal ko Dafn hain karnay chalay Fatima ke laal ko 3 Woh jo haram mohtaram, Shah ke ba-sad bukaa Manzilein tay kartay haaye, pohanchay dar-e-Karbala Door se woh qatl-gaah, un ko dikhayi diya Ro ke yeh kehnay lagay Hazrat-e-Zain-ul-Aba Oonton se utro tum ab kartay huay shor-o-shain Rotay chalo piyaada-pa, yaan se ba-laash-e-Hussain 4 Hazrat Sajjad se sun ke Haram yeh kalaam Peet-tay rotay huay oonton se utray tamaam Aaye jo laashon ke paas, haaye woh naashaad kaam Sar ko lagay peetnay, waarison ke le ke naam Chaadarein sar se utaar aansoo bahanay lagay Haathon se us ban ki khaak sar pe uraanay lagay 5 Hazrat-e-Sajjad ne dekh ke yeh maajra Bibiyon ko saath le, khoob sa maatam kiya Sar jo shaheedon ke thay, beech mein un ko rakha Seena-o-sar peet kar, ro ro yeh nauha parha Zahra ke masoom ka aaj hai chaaleeswaan Syed-e-Mazloom ka aaj hai chaaleeswaan 6 Woh jo hai Ibn-e-Hasan Shah ka aali-nasab Biyaah ke din haaye haaye, qatl hua tishna-lab Shaadi ka jora jo tha, mil gaya mitti mein sab Us ka bhi chehlum hai aaj, haaye sitam hai ghazab Akbar-o-Asghar ka bhi aaj hai chaaleeswaan Shah ke lashkar ka bhi aaj hai chaaleeswaan 7 Hazrat-e-Zain-ul-Aba, noha ye jab parh chukay Bibiyon se iss tarah, ro ro ye kehne lagay Pehle kaho kis ki laash, qabr mein Abid rakhay Bano-e-Abbas yun, boli main sadqe tere Pehle mere saaein ki, laash tou dhundwaaio De ke kafan qabr mein, phir ussay dalwaaio 8 Ro diya Sajjad ne, sunte hi uss ki ye baat Bano-e-Abbas ko, le chale phir apne saath Rotay hue jab gaye, bar lab-e-nehr-e-furaat Dekha tou Abbas ke, kat gaye hain dono haath Haathon ka khoon beh gaya, zardi hai sab chaa gayi Ungli har ek haath ki, dhoop se murjhaa gayi 9 Aap ne ek baar ye, dekha jo phir ghor se Tan se juda hogaye, shaanay katay hain paray Seena-e-mazloom par, zakhm hain talwaar ke Ghaaiyaan bhi kat gayi, zakhmon se shamsheer ke Seena-e-pur noor hai, teeroun se chida hua Laasha hai tukre para, khaak mein lipta hua 10 Bewa-e-Abbas ne, dekh ke ye maajra Le le ke shohar ka naam, khoob sa matam kiya Laasha-e-Abbas ke, tukre jo thay jaa bajaa Chun ke har ek uzoo ko, sar se mila kar kaha Aao ay Zain-ul-Aba, khaak uraati hoon main Yaani sar Abbas ka, tan se milaati hoon main